Nafarroako iparraldean kokaturik, Baztan bailara Nafarroako udalerri zabalena da. 8.000 biztanle daude bailara osatzen duten 15 herritan barreiaturik. Bailarako ikuspegi hoberenetakoa, baztango behatoki edo miradoretik dugu naiz eta ez den guttiagorako Gorramendi mendiak eskeintzen diguna, Otsondotik 10 kilometrotara. Zigan dago, eta bertatik Baztango herri aunitz ikus ditzakegu. Paisaia, zoragarria. Mendi magal berdeetan, belagiak eta zuhaitzak elkarrekin agertzen zaizkigu eta han eta hemenka, borda eta baserriak. Gizakia eta naturak elkarbizitzen jakin dutenaren isladarik ederrena. 1000 metro inguruko altuera duten mendi kaxkoek marrazten duten perfila, argazki eder honen marko bilakatzen da eta gonbidatzen gaitu, oinetako egokian jantzi eta bertan ibilalditxo bat egitera.