Uncategorized @eu

abuztua
26 2017

Gastroibilbideak I. Jaimeneko Borda Landetxea (Amaiur)- Etxebertzeko Borda Jatetxea (Orabidea-Lekaroz)

Hementxe, kirola eta gastronomia uztartzeko bertze aukera. 19 km duen ibilbidea, erdian Etxebertzeko borda jatetxean otordua egiteko aukera duzuelarik. Badakigu bapo jan ondotik berriz ibiltzea kosta egiten dela baino perezak utzi eta, oporretan loditzeko arrazoirik ez.

Etxebertzeko borda, Orabidea parajean kokatua dago. Orabideak ez du auzo gunerik baino bai eremu zabala, Otsondotik hasi (Lizermeaka) eta Bertizeraino iristen dena. Lizermeaka eta Bertiz NA-4453 errepideak lotzen ditu, denetara 27 km.  Errepide honetan Zugarramurdi eta Etxalarrerako bidegurutzeak aurkituko ditugu. Garai batean baserri guztietan edo gehienetan jendea zegoen; gaur egun, toki aunitzetan bezala, gutti batzutan bizi da jendea baino horietan, indar eta kemenez ari dira hri dela bere tokia erakutsi nahian. Muestrarako aipatutako Etxebertzeko Borda jatetxea ETXEBERTZEKO BORDA eta Kortariko Borda gasnategia KORTARIKO GASNA. Lehendabizikoak urteak daramatza ostatugintzan eta bikain ari dira, etxeko janaria eta kalitatezkoa baita beraien oinarria (beraiek hazitako arrainak eta guzti). Bigarrenak, denbora gutti darama gasnagintzan, modu komentzialean behinpin eta jadanik sari andana irabazi ditu.

Aipatu beharrekoa ere nahita nahiez, Infernuko Errota, seguraskire Orabideko toki famatuena!. Hantxe dago, bai, infernutik urbil nonbait. Espainako guda zibilean inguruko errota guztiak etxiarazi zituzten baina Infernuko Errotak isilpean segitu zuen lanean. Etxebertzeko Bordatik 20′ oinez iritsi daiteke.

Ibilbidea borobilean egin nahi izan dut baino nahitaezkoa izan da toki batzuk errepikatzea, bertzela gehiegi luzatuko baitzen. Hasiera iduzkitan eta bukaera erabat laino artean, horrela da gure Baztan.

Aipatuko dut ere Orabidea kontabando istorio pilaka izanen dituela baino gutti kontatzen direla.

Errolanen harritik eta Errekattipitik pasatu garenez, oroitarazten dizuet hauen inguruan gure aitatxik duela urte aunitz kontatukoa BIDASOA.

(EUS) Alkurruntzeko pistatik, Auza, Olate, gibelean Elorrieta eta aitzinean Aizpitza.
(CAS) Desde la pista de Alkurruntz, Auza con Olate y Elorrieta y delante, Aizpitza.

(EUS) Errolan harkaitza. Gibelean, Gorramendiko mendi katea: Aizpitza, Gorramendi, Otanarte, Gorramakil eta Bardakomendi. Aitzinean Bagoi eta Olaintzin.
(CAS) Peña de Roland. Detrás, el cordal de Gorramendi con: Aizpitza, Gorramendi, Otanarte, Gorramakil y Bardakomendi. Delante, Bagoi y Olaintzin.

(EUS) Alkurruntz Zuletako lepotik.
(CAS) Alkurruntz desde el collado de Zuleta.

(EUS) Aizkoz lepoa gibelean Atxuria, Zentinela, Larrun eta Ibanteli dituela.
(CAS) Collado de Aizkoz con Atxuria, Zentinela, Larrun e Ibanteli detrás.

(EUS) Ezkerretik eskuinera: Larrun, Atxuria, Airagarri, mendibil, Aizparatz, Azkar.
(CAS) De izquierda a derecha: Larrun, Atxuria, Airagarri, mendibil, Aizparatz, Azkar.

(EUS) Eskuinetik ezkerrera: Alkurruntz, Arranomendi, Errebi, Arritxulegi, Azkar.
(CAS) De derecha a izquierda: Alkurruntz, Arranomendi, Errebi, Arritxulegi, Azkar.

(EUS) Beltxeneko Borda Bular mendiaren magalean eta gibelean Legate eta Aizkolegi.
(CAS) Beltxeneko Borda en las faldas de Bular y detrás, Legate y Aizkolegi.

(EUS) Eskisaroi lepoa eta GR-11 ko kartelak.
(CAS) Collado Eskisaroi y carteles indicadores de GR-11.

(EUS) Eskisaroiko Borda eta Bular mendia gibelean.
(CAS) Eskisaroiko Borda y detrás, el monte Bular.

Quesería Kortariko Borda Gasnategia.

(EUS) NA-4453. Lizemeakako merenderoa eta Askapeko harrobia lotzen dituan errepidea. Etxebertzeko Borda jatexea eta Kortariko borda gasnategia erakuten dituen kartelak.
(CAS) NA-4453. Carretera comarcal que une Lizermeaka (Otsondo) con Askape (Bertiz). Carteles indicadores del restaurante Etxeberzeko Borda y la quesería Kortariko Borda.

Barrantxeko Borda.

Restaurante Etxebertzeko Borda Jatetxea.

Antxitoneko Borda.

Iruingo Borda.

Indako Borda.

(EUS) Iruingo Borda et urrunera, Domikuko Borda. Gibelean, Aizkolegi eta Azkua.
(CAS) Iruingo Borda y, a lo lejos, Domikuko Borda. Detrás, Aizkolegi y Azkua.

Larrondo. Urruspil.

Urruspil. Legate.

Beltxeneko Borda

(EUS) “P” lerroko Bunkerra. Ezkerreko aldean beltxeneko borda lainopean.
(CAS) Uno de los búnqueres de la línea “P”. A la izquierda, Beltxeneko Borda bajo la niebla.

Lainoa/Niebla.

(EUS) Errolan harkaitza lainopean
(CAS) La peña de Roland bajo la niebla.

(EUS) Bortz haritzak.
(CAS) Los cinco robles.

(EUS) Borda Kaskailtzeta parajean, Oiarteko zokoaren gainekoaldean.
(CAS) Borda en el paraje Kaskailtzeta, cerca de Oiarteko zokoa.

Oiarteko zokoa. Rincón Oiarte.

Posted by Ixabel  |  Comments Off on Gastroibilbideak I. Jaimeneko Borda Landetxea (Amaiur)- Etxebertzeko Borda Jatetxea (Orabidea-Lekaroz)  |  in Eguraldia, Gastronomía, Historia, Ibilbideak, Kultura, Uncategorized @eu
uztaila
01 2016

Ibilbide turistikoa Amaiur eta inguruetan barrena.

Uda puri purian, eta gure inguruak ezagutzeko prest jende ugari ibiliko delakoan, apenas 5 kilometroko ibilalditxoa proposatzen dizuegu. Herria eta inguru hurbila ezagutzeko parada izanen duzue. Etxetik herrira, Ukumil parajetik eginen dugu, gaztetan elizara joateko erabiltzen genuen bidexendatik. Elizara iritsiko gara, Gazteluzokoko SL bidea alde batera utziko dugularik. Elizatik goiti hauetxek dituzue toki interesgarriak, ez ditut denak markatu baino gehienak, bai:

  1. Errota. Gaur egun jarduera turistikoan dabilena, talo tailerrak, talo dastaketak eta bisita gidatuak eskeintzen dituena. www.amaiurkoerrota.com. IMG_20160630_180857
  2. Erretore etxea. Gibeleko aldean, zaharberritutako dolarea ikusiko duzue, kanpotik baina, ezin da barnera sartu. Gaur egun gelditzen den bakarra. IMG_20160630_180928 IMG_20160630_180826
  3. Andra Mari eliza, Erdi Arokoa. Zaharberritze garrantzitsuena XVI. mendekoa da, 1522. gaztelua suntsitu eta handik hartutako harriekin egina.IMG_20160630_180914 IMG_20160630_181138
  4. Lore iraunkorra.Josu Goiaren eskultura, 1522. , erresuma defendatzeko gazteluan borrokatu zutenen alde.  IMG_20160630_181053 IMG_20160630_181037
  5. Donejakue bideko gurutzea. IMG_20160630_181231
  6. Eskola zaharra, gaur egun Eguzkialde landetxea. http://www.eguzkialde.com/
  7. Kale Nagusirako sarrerako arkua. Erdi Aroa. IMG_20160630_181325 IMG_20160630_181307 IMG_20160630_181406 IMG_20160630_181345
  8. Ospitalea etxea, erromesen garaian ostatu tokia.IMG_20160630_181430 IMG_20160630_181440
  9. Donejake iturria. eraikin berria, erromesari omentzeko.IMG_20160630_181526
  10. Gazteluzoko SLrako bidegurutzea, arestian pasatutako presara eramanen gaituena.
  11. Mutiko eskola ohia. Gaur egun Goizargi landetxea.  www.goizargile.com.IMG_20160630_181954
  12. Plaza Nagusian, Udaletxe ohia.IMG_20160630_182114
  13. Eskortzea etxea, zeinean Pablo Sarasate konposatzailearean amatxi sortu zen. IMG_20160630_182155
  14. Gaur egun eskola (lehe neskatikoena); 2015-16 ikasturtean, 3-12 urte bitartean 32 ikasle izan ditu. Herri eskola edo eskola ttikia, haurrak 3 gelatan banatuta daude..IMG_20160630_184405
  15. Auzolanean eraikitako “Gure ametsa” frontoia.IMG_20160630_184419
  16. Mertxenea. Etxebizitza sorta berria. Mertxenea Apartamentu turistikoa, 3 giltzatakoa. http://www.turismo.navarra.es/esp/organice-viaje/recurso/Alojamiento/6919/Mertxenea.htm.IMG_20160630_182823
  17. Lixutegia. Zaharberritua. Garai baten hementxe elkartzen ziren herriko emakumeak.IMG_20160630_182957 IMG_20160630_183032 IMG_20160630_183148 IMG_20160630_183106
  18. Arretxea jauregia. IMG_20160630_183750
  19. Borda Jauregia. Garai batean Guardia Zibilaren kuartela izandakoa eta gaur egun, inoiz ireki ez den hotela.IMG_20160630_183803
  20. Aska. Denbora batez, belaitik etxe azpitan zeuden ikuilutara zoazten behiak aska haueta ura edaten zuten.IMG_20160630_183917
  21. Hirigoienea etxea bere aska parean duela.IMG_20160630_193533 IMG_20160630_193512
  22. Pilareko baseliza edo kapera. Kale Nagusiaren bukaera. Ezkerreko pistak gaztelura eramanen gaitu.IMG_20160630_193704
  23. Monolitoa eta gaztelua. Eunate neskatikoa nekatuta zegoenez, ez gara goitiraino iritsi. Bertze ibilbide batzutan baduzue gazteluaren inguruko informazioa. guk noiznahi joateko aukera dugu baino zuek, ez baduzue ezagutzen, joan zaitezte, handik ikusiko duzuena egiz merezi baitu. Parisea joan eta Eiffel dorrea ez bisitatzea bezala da Amaiurrera etorri eta gaztelua ez bisitatzea (jeje, ni, Parisen egondakoa naiz eta Eiffel dorrea ez nuen bisitatu baino obrak zirela eta…). Monolitoak, 1522. guda gogoratzen du; 200 gudari, Nafarroako Erresumaren alda, Gaztelatik etorritako 10000 soldaduen kontra borrokatu zuten eta hantxe galdu zen Erresumako independentzia berreskuratzeko aukera. Gaur egun, 10 urtez industu ondotik, gaztelu haren aztarnak ikusi ditzazkegu. Hortarako, hizkuntza ezberdinetan informazioa ematen duten panelak aurkituko dituzue. Bisita autogidatua, dohainik, baino etzitsua duzue ekonomikoki gure auzolandegian borondatea uzteko.

    Joakin iriartek utzitako argazkia-Foto cedida por Joakin Iriarte.

    Joakin iriartek utzitako argazkia-Foto cedida por Joakin Iriarte.

  24. Teileriko zubia. Erran bezala, gu, gazteluko pista utzi eta baselizaren ezkerreko aldean dagoen bertze bidea hartu dugu “azpiko bidea” deiturikoa. Teilariko zubi pasatu (nonbait, garai batean teila eginen zuten…), harriren bat errekara bota eta 15’tan etxera iritsi gara.IMG_20160630_194203

Ibilbidea, egin genuen modura publikatu dut, editatu gabe, denbora errealekin, 5 urteko neskatoakin egina. Ostatuan gelditu ginen, parkean bertze tartetxoa eta Teilariko zubian, errekara harriak botatzen.

Argazki gehiago ikusi nahi badituzue sakatu enlazean. https://goo.gl/photos/UVVSibcGmRG7iQAx9

Iradokizuna: bokatak eraman eta lixutegi ohian jan. Mahaiak eta aulkiak dituzue hortarako.

 

Posted by Ixabel  |  Comments Off on Ibilbide turistikoa Amaiur eta inguruetan barrena.  |  in Uncategorized @eu
ekaina
15 2015

Mertxenea

Gaurkoan ez dut inongo berexitasunik kontatu behar, etxe baten aurkezpena egin nahi dut. Herrigunean, Mertxede lixutegitik hurbil, landa apartamendu bat irekitzear dugu, ea ea prest daukagu. 6 etxebizitzetako eraikin berrian, duplex estiloko etxea, dekorazio modernoa duela eta 4-6 lagun gustora egoteko moduakoa. Linka atxikitzen dizuet baita etxeari izena eman dion parajeko argazki batzuk ere, lixutegikoak. Lehendabiziko mailako sailkapena eman diote.

Chorro de agua en el lavadero. Ur zurruzta lixutegian.

En una edificación nueva de 3 alturas y 6 viviendas, una de ellas es un dúplex distribuído de la siguiente manera: planta baja con coina, salón, dos dormitorios, un cuarto de baño y un aseo. 2 balcones. Acceso a buhardilla por escalera de madera: cama de 135 cm, sofá y cuarto de baño. Balcón.

6 plazas en total. Ascensor. Os dejo el enlace al anuncio…

http://es.rentalia.com/331875

Lixutegia-Lavadero Mertxede

El bloque Mertxenea se ve al fondo. Mertxede etxea gibelean.

 

Mertxede lixutegia-Lavadero Mertxede.

Posted by Ixabel  |  Comments Off on Mertxenea  |  in Uncategorized @eu
martxoa
02 2015

Aitatxi Gerardo eta Bidasoa

Hautsa artetik aspaldiko VHS bat atera dugu, 40 urte ditu gurekin daukagula. Guretako, balore handia du oraintxe. eta zuekin partekatu nahi dugu. Telebista kolorean emititzen hasi zenean, Baztaneraino etorri ziren, Bidasoa ibaiari buruzko erreportaia egiteko. Bazuen RTVEk “Los ríos” izeneko programa eta ibai bakoitzari kapitulu bat eskeintzen zioten.

Nere aitatxi Gerardok, gehienendako “Makit” bezala ezagunagoa (Makiteneko bordako baitzen bera) hauxe azaltzen du bideoan: Alkurruntzeko magalean sorrera duen Errekattipi erreka, Baztan-Bidasoa ibaira ailatzen dela. Neketan gazteleraz baino nahiko hiztegi aberatsa zuen apenas idazten zekien pertsona izateko. Zuei, guri bezala, Irri muxika ateratzea espero dut.

Makiteneko Gerardo Irungaray aurkezten dizuet, Enekoneko Felixaren aita eta Jaimeneko Ixabelen aitatxi.

Bidasoa from Casas Rurales Otsondo Landetxeak on Vimeo.

 

Posted by Ixabel  |  Comments Off on Aitatxi Gerardo eta Bidasoa  |  in Uncategorized @eu
apririla
25 2014

Aritzakun. Ibilbide berria.

Bertze ibilbide bata urkeztu behar dizuegu. 20 km ingurukoa izan da egun osoa iraun duelarik Aritzakungo eskola zaharrena bapo bapo bazkaldu baitugu, bide erdian. Eneko eta Maddi izan ditut lagun, bata Ansestegiko lepoa arte, Napoleon bidean eta Aritzakungo eskola arte bertzea.

Oraingoan, Amaiurko Jaimeneko Bordatik abiatu gara baino jakin ezazue errex egin daitekela Etxenikea edo Enekonea landetxeetatik, zati ttiki bat gehitzea nahikoa izango zelarik.

Eguraldi onaren baimenaz baliatuta (2014ko apirilak 21), mendi mazelak eskeintzen dituen bide xendak alde batera utzi eta ahal den guzietan gainetik ibili gara, bizkarretik. Xendak utziko ditugu haize haundia edo lainora dagoenerako. Pentsa zer nolako ikuspegiak izan ditugu aitzinean…Jadanik, Alkurruntz aldera igotzen ari ginela, Mendixar inguruan, burua itzuli eta ederki ikusi dugu Autza mendia, laino txuriaren gainean, Baztan bailarari ohantze itxura ematen ziola. Lizermeakako merenderuan, oraindik autokarabanaren bat, astesantuko oporretako errestoak, baita turista despistaturen bat, ustez eta otsondoko merenderuan zegoela…

“…ez, merenderu hau Lizermeaka deitzen da, Otsondoko lepoa hemendik hurbil duzu eta hantxe baduzu bertze merenderua, errepidetik ikusten ez dena…”

Larrun, Atxuria, Aiako Harriak, Alkurruntz…haurrak gozatu dute largabistekin begira. Otsondora iritsi orduko hasi dira: “nekatuta nago…”. Orduantxe bada, gosatzeko tenorea: txokolate eta platanoa..eta…tira goiti, Goizamendi aldera. Goizamendiko kaskoan hainbertze argazki atera ditugu eta alde batera eta bertzera begiratu: hegoaldera Baztan bailara osoa eta batez ere Amaiurko baserriak (tartean gurea) eta iparraldera begiratz gero: Enekonea eta Etxenikea landetxeak, Lapurdiko kostaldea, Larrun…Urriztira iritsi orduko berehalaxe ezagutu dute Enekoneko pista dela…gurutzatu dugu eta berriz ere goiti, Meatzeko bizkarra zeharkatzera; metro batzutara dagoen txabolan gelditu gara; beraiek iaz ezagutu zuten txabola hau, Gorramendiko base militarraren inguruko erakusketa egon baitze bertan eta huraxe ikusten egon ziren.

Eneko franko nekatua dago eta aitatxo deitzea erabakitzen dugu. Halere Ansestegiko kromlechari buruz solastu eta lortu dut animatzea Napoleonen bideraino. Hantxetan agurtu dugu. Aritzakungo PRren markak hartu ditugu baita bizkarrak eta ttonttorrak utzi, Lizartzu eta Iruingo erreketan barrena sartzeko. Iruingo borda pasatu (ez dugu Martzelino ikusi) eta oihanaren barnean sartu gara: ikusgarria pagoen osto berrien dizdira, berde bixi bixia…baino, lurra zein idor dagoen ikusteak harritu nau. Azkeneko bi hilabetetan euri gutti egin du eta erreka batzuk agortuta daude. Bi orduak aldera Iriarteko Beheitiko bordara ailatu gara eta dagoeneko entzuten ditugu eskola zaharreko irriak eta oihuak, haurraz beteta dagoenaren seinale.

Iritsi gara eskola, plaza eta frontoiara. Erainkina hau ez da eskola oraintxe, elkarte bat baizik baino barneko aldean badira eskola zaharraren errestoak: azkena ez bada azkeneko promozioaren argazkia.

Maddik dio ez duela segituko eta ni, bazkalondoan, animatu naiz. PRan nago oraindik; minetako zokoan barrena, Arroseneko Borda pasatu eta Kantaneraino iritsi naiz; ezin ukatu baserri hau bere leiho gorri bixiarekin. marken arabera, pista utzi eta eskuineko errekan sartu naiz, berriz ere erreka agortua gurutzatu (Errekagorri) eta Otzagazteluko bordara iritsi; nor erran behar holako borda batek pvc-ko leiho eta pertsiana txuria izanen zituela…Tarteka gibelerat begiratu eta nondik natorren ikusten dut, ze parajeak…Errepidera iritsi naiz, Otsondo eta Gorramendi elkartzen dituena, 7. kilometrora gutti goiti beheiti. Paraje honi Wasinton deitzen diote, (base militarraren hurbiltasunagatik pentsatzen dut).

Dudetan nago, ez dakit zer egin: markak segitu edo bertzaldera egin. Azkenean utzi ditut markak eta Itzulegi aldera 300 metro inguru egin eta Kantorneko mendian beheiti sartu naiz. Bertze ikuspegi ederra: Amaiurko baserriak eta Baztangoiza naiz eta hasieran Anzabalek tapatzen duen pixka batean. Legarreko erreka gurutzatu eta ixtantean Dorreko bordan nago, gure etxearen bisean bis. Erauntsiaren lehendabiziko tantak sumatzen ditut eta erdi lasterka zimentazko pistan beheiti abiatu naiz baino ixtantean pista utzi eta eskuin sartu naiz “erdiko bidera” ailatu arte. Kurutxeta ondotik, SAT Aranea aldera sartu eta berehalaxe zapaldu dut N121B errepidea. 200 metro eta abiapuntua izan den Jaimeneko Bordara iritsi naiz, trenpa egina eta atsaldeko 8k direlarik.

Posted by Ixabel  |  Comments Off on Aritzakun. Ibilbide berria.  |  in Uncategorized @eu
urtarrila
26 2014

Biriatu-Amaiur-Biriatu. Felixaren historioa.

2014ko hilbeltzak 25 dituenean, Felixak (Enekoneko etxekoandrea) 70 betetzen ditu. Duela 50 urte, 20 zituela, Amaiurko Makitenetik Biriatuko Lekuona hotelera abiatu zen, lanera noski. Omen, bere izeba batek, Itsasun bizi zena eta astero Donibane Lohitzuneko merkatura joaten zena, jakin zuen hantxe, Biriatuko Lekuona hoteleko jabea zerbitzarien bilen zabilela. Horrelaxe abiatu zen Felixa bere abenturan. Biriatun 5 urte pasatu zituen eta kaxko hartatik  “Aurrera” autobusa ikusten omen zuen N-121 errepidetik Baztan aldera zihoala eta kriston pena sentitzen omen zuen…Gure aita, zuendako Juanito “eneko”, astero astero moto zahar batean ama bisitatzera…Horrelaxe, 5 urte, ezkondu ziren arte.

Handik urte batzutara, duela 38 urte, amak eraman nahi izan gintuen anaia eta ni toki hura ezagutu genezan; Itziar (Etxenikeko etxekoandrea) ez zen sortua oraindik, bidean zegoen eta famili argazkia egin genuen.

38 urte beranduago argazkia errepikatu dugu. Hementxe dituzue.

Felixa Biriatun, lan garaian. Felisa en el jardín del hotel Lekuona, hoy Bakean, en Biriatu.
Felixa Biriatun, lan garaian.
Felisa en el jardín del hotel Lekuona, hoy Bakean, en Biriatu.
Lekuona hoteleko jardinean. En el jardín del Hotel Lekuona.
Lekuona hoteleko jardinean. En el jardín del Hotel Lekuona.

 

 

Felixa eta Juanito beraien umeak, haien bikoteak eta bilobekin. Juanito y Felisa con sus hijos-as, yernos y nietos-as. Biriatu 2014.

 

Felixa eta Juanito Ixabel, Juanmari eta Itziar, seme-alabekin. Felisa y Juanito con sus hijos-as: Isabel, Juanmari, Itziar. Biriatu 2014.
2014. Gaur egungo hotelaren argazkia, lehen Atxenia/Lekuona izan zena eta gaur egun Bakean ditzen dena. Panorámica del hotel Bakean, antiguo Atxenia/Lekuona.

Bakean jatexerako sarrera. Entrada del restaurante del Hotel Bakean. 2014.

Atxenia-Lekuona-Bakean. 2014.
Posted by Ixabel  |  Comments Off on Biriatu-Amaiur-Biriatu. Felixaren historioa.  |  in Uncategorized @eu
urtarrila
26 2014

Komino eta azukre beltzaz egindako opilak.

Neguko atsaldeak sukaldari lanetan ibiltzeko ederrak izaten dira. Berriki, Iban Yarzaren liburua erosi nuen eta errezeta batek erakarri ninduen. Asia aldean jaten dituzten opil batzuna zen, kominoa eta azukre beltza daramatenak, bertze gauza batzun artean. Opilak arinagoak ateratzeko tang zhong-a erabiltzen dute. Hementxe duzue errezeta:

Tang zhong-a prestatu.

  • 200gr ura
  • 40gr irina
  • sutan berotu biak ongi nahasiz eta irakinarazi gabe. Loditzen hasten denean sutik atera eta hozten utzi.

Orea prestatu:

420gr indarrazko irina, 125gr gari semola irina, 2 goilaratxo kominoa, 65gr azukre beltza eta 6gr gatza ongi nahasi; ondotik, tang zhong-a, 120gr esnea, arraultza bat eta 10gr orantza edo legamia gehitu. Ongi ongi oratu orea berdindu arte. Gehitu orain 80gr gurina (aspaldian hotzgailutik ateratakoa) eta 10’z oratu. Ontzi batean sartu eta tapatu eta utzi lehendabiziko hartzidura egin dezan (tokiko tenperaturaren arabera ordu t’erdi eta hitu ordu tartekoa izanen da). Tamaina bikoiztu denean, 80-90ko pilotak egin eta bizkotxoak egiteko ontzi batean jarri bat bertzearen ondoan. Utzi berriz ere bigarren hartzidura egin dezan (ordu t’erdi goiti beheiti). pilotan haundituko dira eta bat bertzearekin elkartu. Pintatu arraultzakin eta azukre beltza bota gainetik. Labekatu 30’z 190 gradutan. Hozten utzi eta jatera…On egin diezazuela!!!

Posted by Ixabel  |  Comments Off on Komino eta azukre beltzaz egindako opilak.  |  in Uncategorized @eu
urtarrila
20 2014

Azkenean, magdalena ponpoxoak!!!!

Gabon gabon:

Itziarrek, nere ahizpa, Etxenikeko bezeroendako magdalena ederrak eta goxoak egin izan ditu. Beti egin nahian baino saiatu naizenean ez zitzaizkidan ongi ateratzen, beti idorrak eta apalak. Foro batean eta bertzean irakurtzen Xavier Barrigaren errezeta aurkitu nuen eta hauxe zion: osagaiak nahastetik ateratzen den orea hitzgailuan egon behar duela ordu bat eta 24 ordu bitarte. Nik, 14 kontu dut eta hementxe emaitza. Hobetu daitezke, gibelekoak soberaxko erre baitira baino aitzinekoak, arroak eta ooooonnnnaaaakkkk!!!!! Hori bai, etxeko arroltzeak (oiloenak noski). mm

IMG_20140120_145550

Posted by Ixabel  |  Comments Off on Azkenean, magdalena ponpoxoak!!!!  |  in Uncategorized @eu
abuztua
09 2013

Gure maizterren aportazioak. Joakin Iriarte.

Oraingoan, gurera datozenen opariak zuekin partakatu nahi ditugu. Castellon de la Planako familia dugu guren, Joakin, Belén eta Arantxa. Joakinek argazkilaritza du afizio eta ofizio ere izan zezaken…hementxe uzten ditugu argazki batzuk: etxe inguruan ateratakoak, Amaiurren Aranzadi zientzi elkarteak antolatzen duen estropadako argazkiak…

Posted by Ixabel  |  Comments Off on Gure maizterren aportazioak. Joakin Iriarte.  |  in Uncategorized @eu
abuztua
07 2013

Otsondoko txokoaren estreinua.

Egunon egunon:

Berriki web orri berria ikusi ahal izan duzue eta oraingoan gure txokoa aurkeztu nahi datzuegu. Tekonologia berriak aise aitzinatzen gaituznen garai honetan (atzo hartu genuen gure “online” lehendabiziko erreserba…ufff) ahal duguna egiten duguguk ere eta hementxe gaituzue, gure aportazio ttikia egin nahian. Bakarrik nabil zeregin hauetan, Enekoneko Juanito eta Felixak eta Etxenikeko Itziar eta Jokinek ez baitute deus ere jakin nahi afera hauetan.

Udaberri nazkagarria izan genuen, uztaila, aldiz, sofokagarria eta abuztua?, abuztua, udako euria, ortotsa eta tximistaz beteta heldu zaigu.

Honen frogarako aragazkia hauxe uzten dizuet, gure landetxean dagoen Joakinek ateratakoa; beraien balkoiatik, Gorramendi parean dauden odei ilunak.

Bertzerik gabe, ongi etorriak gure txokora.

Ixabel Jaimeneko Borda (Amaiur)

Gorramendi Jaimeneko bordako balkoitik

Posted by Ixabel  |  Comments Off on Otsondoko txokoaren estreinua.  |  in Uncategorized @eu